INTERNASIONAAL. – John Nolan, veral bekend vir sy rolle in Batman Begins en The Dark Knight Rises, asook die televisiereeks Person of Interest is Saterdag oorlede.
Die oorsaak van sy dood is nog nie bekend gemaak nie. Hy word deur sy vrou, die aktrise Kim Hartman, hul kinders en kleinkinders oorleef. Nolan was ’n ervare verhoog- en rolprentakteur met ’n loopbaan wat oor dekades gestrek het. Hy is in 1938 in Londen gebore en het sy loopbaan in die teater begin, onder meer by die Royal Shakespeare Company, voordat hy na televisie en rolprente beweeg het. Hy het gereeld saam met sy neefs Christopher en Jonathan Nolan gewerk en het in verskeie van Christopher, ‘n bekroonde filmmaker, se rolprente verskyn.
Bronne: Hollywood Page of Death, TMZ, Entertainment Weekly en KTLA 5 News
