DURBAN. – Zoë Freshwater, ‘n bruid wat haar troudag moes uitstel omdat sy positief vir Covid-19 getoets het, en haar ouers is ‘n paar dae uit mekaar oorlede.
Haar pa het eerste simptome getoon, daarna Freshwater en toe haar ma. Freshwater is op Kersdag as gevolg van die virus dood. Volgens IOL het haar ma in ’n koma verval nadat sy die nuus van haar man se dood op 23 Desember ontvang het. Sy is op 29 Desember oorlede.
Werner Gresse, familie van haar verloofde, het ook die nuus op sy Facebook-blad gedeel. By die foto van Freshwater en haar ouers sê hy mense moet asseblief veilig en versigtig wees. “Ek hoop hierdie plasing maak mense bewus oor hoe gevaarlik hierdie virus kan wees.”
