GAUTENG. – Willah Joseph Mudolo, sy vrou Zethu Matshingana Mudolo, en die maatskappy Rising Estate (Pty) Ltd sal van Maandag af in die Pretoria-hooggeregshof verhoor word. Dit volg ná jare se vertragings en mislukte pogings om die saak te kelder. Ses beskuldigdes staan tereg op aanklagte van rampokkery, geldwassery en bedrog.
Kaizer Kganyago, NVG-woordvoerder, sê regter Ismail het op 2 April ‘n aansoek van die hand gewys waarmee die verdediging wou keer dat hulle op aanklagte van rampokkery verhoor word. Die aansoek is met koste verwerp. Ses beskuldigdes staan nou tereg op aanklagte van afpersing, geldwassery en bedrog.
Mudolo en sy vrou het ook sonder sukses probeer om die vervolgingspan te laat onttrek. Regter Ismail het bevind dat die klagtes teen die vervolgers bloot ‘n vertragingstaktiek was. Sy uitspraak was duidelik: ‘n beskuldigde kan nie ‘n aanklaer na willekeur laat vervang nie. Die NVG het gesê die sogenaamde Stalingrad-taktiek – waar regsstappe gebruik word om verhore te vertraag – ondermyn die regte van almal wat by die saak betrokke is.
Shepherd Bushiri en sy vrou Mary was oorspronklik ook beskuldigdes, maar het in November 2020 op borgtog na Malawi gevlug. Prosesse vir hulle uitlewering is steeds aan die gang.
Die NVG sal die saak sonder vrees of guns voortsit. Lees meer hier onder:
