Die aktrise Cameron Diaz gaan na tien jaar weer in ’n fliek te sien wees. Hierdie keer saam met Jamie Foxx in die aksiebelaaide Back in action wat op 15 November 2024 vrygestel word.
Diaz en Foxx vertolk die rolle van Emily en Matt wat die lewe van CIA-spioenasie agtergelaat het. Hulle is ouers in ’n klein dorpie, maar nadat hulle ware identiteite onthul word, word hulle terug in die wêreld van spioenasie ingetrek.
Volgens Netflix is die fliek ’n komedie vol aksie. Kyle Chandler, Glenn Close en Andrew Scott sal ook in die fliek te sien wees.
Seth Gordon is die regisseur van die fliek wat hy saam met Brendan O’Brien geskryf het.
Bronne: Netflix, RTE, Evening Standard
