VSA. – Tyler Robinson (22), die man wat beskuldig word van die moord op Charlie Kirk, het gister sy eerste fisiese verskyning in die hof gemaak.
Lees ook: Charlie Kirk-moordverdagte ‘werk nie saam met owerhede’ sê goewerneur
Gister se hofverskyning was om te besluit hoeveel toegang die media tot die moordsaak gaan kry. Robinson se prokureurs en die kantoor van die Utah-sheriff het gevra die regter moet kameras in die hof verbied uit vrees dat dit ‘n regverdige verhoor onmoontlik sal maak.
Kirk se weduwee en verskeie nuusmaatskappye het gedruk vir deursigtigheid en die regter het beslis kameras sal in die hof toegelaat word. Foto’s of video’s van die verdagte waar hy in boeie is, word nie toegelaat nie.
Robinson is aangekla van verskeie misdrywe en kan die doodstraf kry as hy skuldig bevind word.
Hy sal weer op 16 Januarie 2026 in die hof verskyn.
Bronne: BBC, Daily Mail, CNN
Lees ook: Charlie Kirk-moordverdagte ‘werk nie saam met owerhede’ sê goewerneur
