KENTUCKY, VSA. – Altesaam 12 mense is dood nadat ‘n vragvliegtuig Dinsdagaand ontplof het terwyl dit besig was om in Louisville, Kentucky op te styg.
Lees ook: 7 mense dood toe vragvliegtuig ontplof
Volgens die staat se goewerneur, Andy Beshear, sal die dodetal waarskynlik verder styg en minstens een kind insluit.
Luidens ‘n verslag van die Nasionale Raad vir Vervoer en Veiligheid het die linkerenjin van die vliegtuig aan die brand geraak en van die vlerk afgeval terwyl die vliegtuig aan die opstyg was by die Muhammad Ali- internasionale lughawe. ‘n Groot brand is deur die brandende enjin veroorsaak.
Die vliegtuig kon van die aanloopbaan af lig en oor ‘n heining vlieg voordat dit verskeie geboue rondom die lughawe getref het.
Die ondersoek duur voort, terwyl die soektog na vermiste persone ook steeds aan die gang is.
Bronne: BBC, NDTV, CBS News
Lees ook: 7 mense dood toe vragvliegtuig ontplof
