Lees ook: Donald Trump-saak oor dokumente uitgestel
NEW YORK, VSA. – Donald Trump is gister skuldig bevind op al 34 aanklagte teen hom in die saak dat hy sakerekords vervals het.
Trump het sakerekords vervals om ’n betaling aan pornografiester, Stormy Daniels, weg te steek. Daniels het beweer dat sy seks gehad het met Trump en hy het sy prokureur, Michael Cohen, sover gekry om haar te betaal om stil te bly. Haar bewering kon die 2016-verkiesing vir Trump ruïneer het.
Trump kan tot vier jaar tronkstraf gevonnis word op elke aanklag, maar dit is onwaarskynlik dat dit sal gebeur. Die regter in die saak het die vonnisoplegging vir 11 Julie geskeduleer.
Trump sal waarskynlik appelleer, maar dit kan maande neem om afgehandel te word.
Bronne: IOL, BBC, CNN
