LIMPOPO. – Drie mense is beseer toe ‘n MRI-skandeerder, wat in die proses was om uit diens gehaal te word by Pietersburg-hospitaal, per ongeluk hoë volumes lug uitgelaat het.
Neil Shikwambana, woordvoerder vir die departement van gesondheid in die provinsie, sê die voorval het in die radiologie-eenheid gebeur. Infrastruktuur is beskadig en twee werknemers van die hospitaal en ‘n tegnikus van ‘n privaat maatskappy wat met die proses besig was, het beserings opgedoen.
Dieketseng Mashego, die LUR van gesondheid in die provinsie het haar na die hospitaal gehaas om die beseerdes te besoek.
“Ons het ons hierheen gehaas om die omvang van die skade te sien en om die beseerdes ‘n spoedige herstel toe te wens,” het die LUR, Mashego, gesê.
Shikwambana sê die oorsaak van die skade word vasgestel.
