Cobie van Dyk (48), wat die naweek in ‘n motorfietsongeluk was, sterk in die Gariep MediClinic-hospitaal aan, maar dit kan drie maande neem voordat hy weer op die been is.
Cobie vertel hy was die naweek oppad om by sy dogter, Talichia van Dyk, te gaan eet, toe ‘n silver Volkswagen voor hom ingery het. Hy is ernstig beseer en in die hoësorg-eenheid in die hospitaal opgeneem. Hy het ‘n ernstige kopbesering opgedoen en sy enkel- en sleutelbeen is ook moontlik gebreek.
Cobie sê alhoewel hy nog steeds pyn ervaar, voel hy baie beter. Hy sterk nou in die ortopediese saal aan nadat hy vandag uit die hoë-sorgeenheid geskuif is.
