WES-KAAP. – Drie mans tussen 18 en 39 is Sondag in die vroeë oggendure in Danventrystraat, Stranford Green, Eersterivier, doodgeskiet. Provinsiale speurders van die eenheid vir ernstige en geweldsmisdaad ondersoek die voorval.
Lt.kol. Malcolm Pojie, polisiewoordvoerder, sê in ‘n verklaring volgens ‘n voorlopige ondersoek het drie verdagte mans omstreeks 00:40 die perseel betree waar die mans in die erf gesit het. Hulle het skote geskiet en die drie mans noodlottig gewond. Die verdagtes, wat te voet van die toneel gevlug het, is nog nie in hegtenis geneem nie.
Die polisie ondersoek drie klagtes van moord. Enigiemand met relevante inligting word gevra om na vore te kom.
