VRYSTAAT. – Drie verdagtes is Sondag in Zamdela op aanklag van moord gearresteer na ‘n vermeende inbreker wat glo in een van die verdagtes se huis betrap is, dood is.
Sers. Jopsephine Rani sê die polisie het omstreeks 18:00 ‘n klagte van ‘n aanranding ontvang. Die oorledene (23) is op die toneel in een van die verdagtes se erf uitgewys. Hy is op die toneel dood verklaar.
Rani sê na bewering het die oorledene by een van die verdagtes se huis ingebreek, waarna hy op heter daad betrap is. Die oorledene is toe glo deur die verdagtes, tussen 24 en 28 jaar, aangerand.
Die drie verdagtes in aanhouding sal binnekort in die Sasolburg-landdroshof verskyn.
