WES-KAAP. – Twee verdagte mans en een verdagte vrou, al drie 19 jaar oud, is Woensdag in hegtenis geneem na ‘n leerling (16) Maandagmiddag na skool in sy kop gesteek is.
Kapt. Frederick van Wyk sê die slagoffer is buite ‘n hoërskool gesteek en sodra die verdagtes aangekla is, sal hulle in die Goodwood-landdroshof verskyn.
Nuusflits het voorgeen berig ‘n Gr. 11-seun (16), is Maandagmiddag na skool op die hoek van Dingle- en Elizestraat in Parow in die kop gesteek.
Volgens sers. Wesley Twigg was die seun onderweg van die skool na sy huis toe hy glo deur ‘n groep seuns aangeval is. Hy is met ‘n steekwond in sy kop vir mediese behandeling na ‘n fasiliteit geneem.
Twigg het bevestig die polisie ondersoek ‘n saak van aanranding met die opset om ernstig te beseer.
Volg Nuusflits se Facebookblad hier en klik hier om ons app af te laai. Klik hier vir vandag se nuutste nuus.
