HAMBURG. – ’n Duitse vrou (39) is in hegtenis geneem na 18 mense gisteraand op Hamburg-Sentraal-stasie, die besigste treinstasie in Duitsland, in ’n mesaanval beseer is. Vier mense is steeds in ‘n kritieke toestand en ses het ernstige beserings opgedoen toe die vrou mense op die perron lukraak met ‘n mes begin gesteek het.
Lees ook: Man skiet stiefseun ná hy geweer afvat by jonger seun
Die polisie het gesê hulle glo die vrou het die aanval alleen uitgevoer en dat sy sonder weerstand in hegtenis geneem is. Die mes is op die toneel gevind.
Plaaslike media berig die aanval het naby platforms 13 en 14 van die besige treinstasie gebeur terwyl pendelaars vir ‘n langafstandtrein gewag het.
Die Hamburgse polisiewoordvoerder, Florian Abbenseth, het gesê die aanval word ondersoek maar “daar is geen bewyse sover dat sy ’n politieke motief gehad het nie. Ons het inligting dat sy moontlik ’n psigiatriese toestand het”.
Bronne: The Independent, CNN, Sky News
Lees ook: Man skiet stiefseun ná hy geweer afvat by jonger seun
