NOORD-KAAP. – Jasper en Nicolene van der Westhuizen van Upington het Maandag by hulle huis in Oosterville aan skietwonde gesterf.
Sers. Omphile Masegela sê aan Nuusflits die polisie is ingelig oor ‘n paar wat met skietwonde in hulle huis aangetref is. Polisie is na die toneel waar nooddienste die egpaar, wat deur Gemsbok geïdentifiseer is, dood verklaar het.
“In hierdie stadium wil dit voorkom asof die man die vrou geskiet het en daarna die vuurwapen op homself gerig het.”
Dossiere van moord en ‘n geregtelike doodsondersoek is geopen, wat deur die polisie ondersoek word.
