LEES OOK: Nasionale tesourie keur Eskom-skuldverligting vir 28 munisipaliteite goed
Die Stad Kaapstad se burgemeesterskomiteelid vir veiligheid en sekuriteit, JP Smith, het kommer uitgespreek oor die groeiende neiging dat eienaars van luuksemotors hulle nommerplate verwyder om opsporing deur verkeerskameras te vermy.
In reaksie op hierdie praktyk het die stad opgetree en luuksevoertuie geskut waarvan die eienaars die stad se bywette oortree het.
Smith het gsê: “Daar is ‘n rekord van die gedrag van die voertuie. Ons kan ook sien of daar enige probleme is, met ander woorde, as die persoon ‘n aansienlike aantal boetes het wat arrestasiebevele geword het en die voertuig ‘gemerk’ is. En onder daardie omstandighede waar die voertuig duidelik ‘n herhaalde oortreder is waar die persoon ‘n gewoonte maak om die gereg te ontduik, met ander woorde die nommerplate af te haal sodat dit minder deur kameras opgespoor kan word. In daardie gevalle neem ons wel aksie.”
Die verwydering van nommerplate is ‘n groeiende probleem in die stad, aangesien eienaars van luuksevoertuie opsporing vir verskeie verkeersoortredings en ook boetes en strawwe probeer vermy. Deur hierdie gedrag hok te slaan, hoop die Stad Kaapstad se owerhede om veiliger padtoestande te bevorder en verkeerswette doeltreffend af te dwing.
#Kaapstad #LuukseMotors #Verkeerskameras #Boetes #Afrikaans #Nuus
Bronne gebruik: SABC Nuus; The Voice of the Cape.
