AMERIKA. – Pas vrygestelde videomateriaal van Jeffrey Epstein se tronksel laat weer die publiek se agterdog opvlam, veral nadat aanklaers in 2020 beweer het die beeldmateriaal is “per ongeluk” vernietig.
Lees ook: FBI-memorandum beweer Epstein-lys bestaan nie
Aanklaers het in 2020 beweer die tronk het beeldmateriaal van die verkeerde sel gehou en dat “tegniese foute” veroorsaak het dat beeldmateriaal van Epstein se sel “per ongeluk” vernietig is nadat dit nie in die stelsel gelaai is nie.
Die departement van justisie (DOJ) van Amerika en die FBI het byna 11 uur se CCTV-materiaal vrygestel van die nag van Epstein se dood, met die doel om selfdood te bevestig. Die video toon glo dat Epstein alleen in sy geslote sel was totdat sy liggaam die volgende oggend ontdek is.
‘n Kritieke tydsgleuf-gaping laat mense egter vrae vra. Van 23:58:59 tot 23:59:59 is daar geen beeld nie. Amptenare sê dit is net ’n “tegniese fout”, maar volgens India Times is aanhangers van samesweringsteorieë op die internet en sommige YouTubers nie oortuig nie. Die vermiste minuut het nuwe samesweringsteorieë aangewakker, selfs terwyl die DOJ probeer om die saak finaal af te sluit.
Volgens CBS News bevestig ’n 2-blad-memo wat op 7 Julie vrygestel is dat daar geen “kliëntelys” was wat gebruik is om invloedryke mense met die saak te verbind nie. Die memo bevestig ook dat Epstein in Augustus 2019 selfdood gepleeg het en dat geen nuwe klagtes verder teen enige nie-aangeklaagde individue aanhangig gemaak sal word nie.
Die politieke nagevolge was vinnig. Voormalige Trump-bondgenoot, Dan Bongino, wat vroeër moord-teorieë versprei het, stem nou saam met die amptelike weergawe van selfdood. Die voormalige prokureur-generaal van Florida, Pam Bondi, wat eens beweer het ’n kliëntelys was “op my lessenaar,” het dié stelling volgens PBS News teruggetrek.
Intussen laat Elon Musk dit nie daar nie. Die eienaar van X (voorheen Twitter) het op X gesê: “Dit is weer niemand-is-aangekla-nie-tyd” en die memo as ’n toesmeerdery afgemaak.
DOJ RELEASES JEFFREY EPSTEIN CAMERA FOOTAGE – But what are we really looking at here?
— Jesús Enrique Rosas – The Body Language Guy (@Knesix) July 7, 2025
This is a 5 minute clip from the CCTV camera footage of the Special Housing Unit (SHU) floor where Jeffrey Epstein was held the night he 'killed himself'. It is posted in two versions in the… pic.twitter.com/AQDhp6W67s
