VSA. – ’n Memorandum van die FBI en departement van justisie het beweer daar is geen sogenaamde Epstein-lys nie en dat daar geen bewyse is dat hy vermoor is nie.
Lees ook: Nog Jeffrey Epstein-dokumente sal vrygestel word
Dit volg nadat die Trump-administrasie die departement en FBI beveel het om ‘n ondersoek te doen oor die bewerings oor ’n kliëntelys, wat Epstein glo gebruik het om mense af te pers of saam te sweer om vrouens aan te rand.
Daar was ook bewerings dat Jeffrey Epstein in die tronk vermoor is, maar volgens die FBI en departement van justisie het Epstein in 2019 in sy tronksel in Manhattan selfdood gepleeg.
Die memorandum is vrygestel nadat Trump en sy administrasie vir maande belowe het om die rekords wat met Epstein geassosieer word, openbaar te maak. Nog geen nuwe rekords is vrygestel nie.
Bronne: The Independent, ABC News, TIME
