Verskeie ernstige beserings is opgedoen toe drie motorvoertuie Saterdag 3 Junie 2023 in die vroeë oggendure in Hambanathi, KwaZulu-Natal in ‘n botsing betrokke was.
Reaction Unit South Africa sê een van hul lede was op patrollie in die area toe hy toevallig op die toneel afgekom het.
Na bewering het ‘n wit Opel Corsa agter ‘n swart VW Golf gestaan wat meganiese probleme ondervind het.
‘n Grys Chevrolet Aveo het glo teen ‘n hoë snelheid in die twee stilstaande voertuie vasgery.
Die insittendes van die VW Golf het ernstige beserings opgedoen. Die bestuurder het in die voertuig vasgesit en moes deur Ethekwini-brandweer uit die voertuig gehaal word.
Die beseerdes is gestabiliseer voordat hulle met ‘n privaat ambulansdiens hospitaal toe vervoer is.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel.
