Lees ook: Meer beurtkrag na vertragings by Eskom
WORCESTER. – Eskom het Vrydag die grootste battery-energiestoorstelsel (Bess) in Afrika in gebruik geneem.
Die Hex-Bess-terrein op Worcester is die eerste projek wat klaargemaak is na die Bess-inisiatief in Julie 2022 aangekondig is.
Die inisiatief is ’n reaksie op Suid-Afrika se energiekrisis en beoog om die nasionale elektrisiteitsnetwerk te versterk. Groot batterybanke met ’n daaglikse kapasiteit van 1.440MWh en 60MW PV (fotovoltaïese sonkrag) word gebruik.
Die Hex-Bess-terrein is ontwerp om 100MWh te stoor en kan dorpe soos Mosselbaai of Howick vir sowat vyf uur van krag voorsien.
Dit vorm deel van fase 1 van die Bess-projek. Nog 833MWh stoorkapasiteit sal by agt Eskom-substasies in KwaZulu-Natal, die Oos-Kaap, Wes-Kaap en Noord-Kaap installeer word.
Bronne: IOL, Biz Community, Moneyweb
Lees ook: Meer beurtkrag na vertragings by Eskom
