Lees ook: Trump wil TikTok verban
ALBANIË. – Albanië het TikTok vir ’n jaar verban na ’n tiener in November dood is.
Die tiener is deur ’n ander tiener doodgesteek oor ’n dispuut wat op sosiale media begin het. Owerhede het na die seun se dood talle vergaderings met ouers en onderwysers gehad en het besluit om die toep te verban.
Albanië se eerste minister Edi Rama, het gesê die regering het besluit om TikTok te verban, want dit “moedig geweld en boeliery aan, veral tussen kinders”.
Volgens plaaslike navorsers is kinders in Albanië een van die grootste groepe wat TikTok in dié land gebruik. Die kinders in Albanië is teen die verbanning van die toep, maar ouers het hulle kommer uitgespreek na kinders met wapens skool toe is om geskille op te los of om ander te boelie.
Bronne: The Independent, Daily Mail, NPR
Lees ook: Trump wil TikTok verban
