NASIONAAL. – Die Springbok Faf de Klerk en sy vrou Miné se bondeltjie liefde, Remi-Ré de Klerk, is op 27 Februarie in die Life Rosepark-hospitaal in Bloemfontein gebore.
Die geboorte-aankondiging op Instagram sê die kleinding is op 37 weke en 4 dae van die swangerskap gebore, weeg 2.58 kg en is 48 cm lank en die belangrikste van die boodskap is die “We love you” aan die onderkant.
Die trotse ma en pa het van voor die geboorte tot na die tyd breed op foto’s geglimlag.
Marise Pollard het op die aankondiging reageer dat sy nie kan wag om die kleinding te ontmoet nie.
