NEW YORK, VSA. – Beeldmateriaal sal vrygestel word wat bewys dat Jeffrey Epstein selfdood gepleeg het, het die adjunk-direkteur van die FBI, Dan Bongino, Donderdag in ’n onderhoud met Fox & Friends gesê.
Lees ook: Jeffrey Epstein-hofdokumente moet vrygestel word
Bongino het gesê die ’n video wys dat daar “… niemand was behalwe hy nie. Daar is net niemand daar nie.” Hy het bygevoeg: “Daar is geen DNS, klank, vingerafdrukke, verdagtes of medebeskuldigdes nie. Daar is niks nie.”
Die direkteur van die FBI, Kash Patel, het vandeesweek bevestig dat Epstein homself om die lewe gebring het, maar het gesê nuwe inligting sal bekendgemaak word soos en wanneer dit opduik.
Daar was verskeie gerugte dat Epstein in 2019 in die tronk vermoor is. Die New York Post het berig twee kameras buite Epstein se tronksel het ophou werk en twee wagte wat hom elke 30 minute moes monitor, het aan die slaap geraak. Hy is dopgehou omdat hy drie weke voor sy dood selfdood probeer pleeg het.
Bronne: The Jerusalem Post, Fox News, The Independent
