KWAZULU-NATAL. – Amir Abbas Bighash, die bestuurder van ’n Ferrari F8 Spider, is in hegtenis geneem nadat hy glo teen 208 km/h in ’n 120 km/h-sone naby Park Rynie betrap is.
Ndabezinhle Sibiya, woordvoerder vir Siboniso Duma, die LUR vir vervoer en menslike nedersettings in die provinsie, sê die inhegtenisneming het tydens die provinsiale #NenzaniLaEzweni-operasie plaasgevind. Volgens Sibiya het die padverkeersinspektoraat (RTI)-span van Park Rynie die voertuig voorgekeer en die bestuurder in hegtenis geneem.
Hy het Maandag op aanklagte van ‘n spoedoortreding en die versuim om nommerplate en ‘n lisensieskyf te vertoon in die Scottburgh-landdroshof verskyn. Daarbenewens het hy ’n uitstaande lasbrief gehad waarvoor hy R5 100 betaal het, benewens borgtog van R3 000. Hy sal weer op 16 Maart saam met sy prokureur in die hof verskyn.
Duma het beklemtoon dat niemand bo die reg is nie en dat die departement voortgaan om streng teen roekelose bestuur, spoed en dronkbestuur op te tree.
2 Responses
Simply a smiling visitant here to share the love (:, btw great pattern.
There is evidently a bundle to know about this. I believe you made certain good points in features also.