KIMBERLEY. – Hansie Galloway, die voormalige eienaar van die kuierplek Shadows in Kimberley, het vandag weer in die Kimberley-landdroshof verskyn. Nadat nuwe inligting sowat twee weke gelede ingedien is, is die saak vandag uitgestel vir die voorverhoor.
Galloway staan tereg op ’n aanklag van seksuele aanranding nadat dit aan die lig gekom het dat hy na bewering ’n dogtertjie (9) in 2015 seksueel aangerand het. Die meisietjie was ten tye van die misdryf vier jaar oud.
Landdros Roland Birch het die saak tot 12 Augustus 2019 uitgestel.
