GASA. – Die Hamas-bestuurde gesondheidsministerie in Gasa het gesê 25 Palestynse burgers is gister dood in Israeliese aanvalle in die Gasa-strook.
Lees ook: 13 mense dood in Israeliese aanval in Libanon
Volgens reddingswerkers is 10 mense dood toe ‘n gebou van Moslemse geloofsowerhede en ‘n VN-gebou in Khan Younis aangeval is. Beide geboue huisves families wat verplaas is.
Die Israeliese weermag het gesê dit het “Hamas-terreurteikens” aangeval nadat gewapende mans in ‘n gebied geskiet het waar Israeliese soldate in Khan Younis gewerk het.
Hamas het die aanvalle veroordeel en het die VSA aangemoedig om “die verbintenis wat dit aangegaan het te eer en dadelik druk te plaas op Israel om die skietstilstand na te kom en aanvalle te stop”.
‘n Beampte van die VSA het aan die media gesê Hamas probeer die skietstilstand te verbreek en nie die verbintenis om op te hou veg, na te kom nie.
Bronne: BBC, CBC, ABC
