WES-KAAP – Die gemeenskap van Ravensmead op die Kaapse Vlakte wil sien hoe geregtigheid vir die dood van hulle geliefde Tazne van Wyk geskied. Die gemeenskap neem sake in hul eie hande. Die huise waar Tazne vermoedelik aangehou is ten tyde van haar verdwyning is deur woedende ontstokers afgebrand.
Tazne van Wyk (8) het op 7 Februarie 2020 vermis geraak. Die vermeende ontvoerder is op 17 Februarie 2020 op Cradock in hegtenis geneem en het op 21 Februarie 2020 in die Goodwood-landdroshof verskyn.
Die speurders se ondersoek het hulle saam met die vermeende ontvoerder na die grusame ontdekking van Tazne se liggaam in ’n stormwaterpyp op die N1 naby Worcester gelei.
Singabakho Nxumalo, woordvoerder van die departement van korrektiewe dienste, sê die verdagte het die helfte van ’n tien jaar vonnis vir strafbare manslag en ontvoering uitgedien. Parool is aan die verdagte toegestaan, maar hy het later verdwyn. Hy is ook vir parooloortreding gesoek.
Kyk die video hier:
