BLOEMFONTEIN. – Na ’n reeks verdwynings van vroue en moorde in Bloemfontein, vrees inwoners dat daar ’n sindikaat of reeksmoordenaar los is.
Van die insidente sluit die moord op Jessie Michael, ’n maatskaplike werker wie se liggaam naby die Kalkfontein-dam gevind is, in.
Sibongile Portia Ngwana is op 26 November laas in Bochabela gesien. Refilwe Pitleli het op 12 Desember spoorloos verdwyn toe sy haar rapport by die skool gaan haal het.
Die 16-jarige Machaka Radebe se liggaam is gekry nadat sy ontvoer, aangerand en vermoor is.
Die Vrystaatse SAPD- provinsiale woordvoerder, brig. Matantsi Makhele, het gesê die inwoners se veiligheid is in gedrang. Dit is waarom hulle die nodige hulpbronne en kundigheid inbring om te verseker dat inwoners se veiligheid prioriteit is. Hulle hoop dat daar binnekort sukses met die ondersoeke behaal sal word, aangesien daar steeds ouers is wat oor vermiste kinders bekommerd is.
Bronne: ENCA, Swisher post
