GAUTENG. – ‘n Beweerde gesoekte misdadiger (38) is laasnag in Kameeldrift in die ooste van Pretoria in hegtenis geneem.
Kol. Katlego Mogale, woordvoerder van die Valke, sê ‘n moord en poging tot moord op twee persone is Sondag in Atteridgeville aangemeld. ‘n Wit Toyota Starlet is ten tyde van die misdade gebruik. Die polisie het inligting opgevolg, waarna die verdagte en voertuig gevind is.
Die verdagte is glo positief geïdentifiseer en in hegtenis geneem. Met die ondersoek is polisielede na die verdagte se huis in Atteridgeville waar op twee ongelisensieerde vuurwapens, ammunisie en selfone beslag gelê is.
Die polisie het ook vir die ondersoek op die verdagte se voertuig beslag gelê.
Ondersoek sal vasstel of die verdagte, wat op borg uit was, moontlik met verskeie geweldsmisdade om Pretoria verbind kan word.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus. As jy Afrikaanse Nuus op die Moya App wil lees, volg die skakel
