LIMPOPO. – Die Westenburg-polisie het Maandag omstreeks 02:00 tydens patrollie inligting gekry van ‘n wit Ford Ranger-bakkie wat glo naby Hoërskool Kuschke opgemerk is. Met ‘n voorlopige ondersoek is bevind dit is by Pretoria-Noord as vermis aangemeld.
Lt.kol. Stephen Thakeng sê die bestuurder van die bakkie het weggejaag toe die polisie dit vind. Die hoëspoedjaagtog het tot op die R101 by Almadal voortgeduur. Die bakkie het skielik stilgehou en die insittendes het die bosse in gevlug. ‘n Vuurwapen met ‘n groot hoeveelheid ammunisie is in die bakkie gekry.
Die bakkie, vuurwapen en ammunisie is gekonfiskeer en ‘n soektog na die verdagtes is begin.
Enigiemand met relevante inligting word gevra om lt.kol. Dithutle Molepo by 082 565 8566 te bel.
