Sosialemediagebruikers wêreldwyd het Dinsdagmiddag probleme met Facebook en Instagram ondervind.
Gebruikers het onder andere gesukkel om op die platforms aan te meld. Talle gebruikers het glo ’n kennisgewing op hulle skerms gekry van die webblaaie wat te lank neem om te laai.
Probleme is wêreldwyd tussen 15:00 en 17:00 aangemeld.
Meta, wat vir albei platforms verantwoordelik is, se administratiewe blad het om 16:00 ’n foutboodskap vir alle dienste behalwe API Messenger op Instagram, Whatsapp en Facebook se advertensieblad gegee.
Andy Stone, woordvoerder van Meta, het ’n plasing op X gemaak waarin hy noem die diensverskaffer is bewus van die kwessies en dat hulle daaraan werk.
Alle platforms se toegang en funksionaliteit is teen 18:00 herstel. Gebruikers wag gretig om te hoor wat die oorsaak van die probleme was.
Bronne: The Gaurdian, SkyNews
