PORT-AU-PRINCE, HAÏTI. – Die voormalige presidentsvrou van Haïti word beskuldig daarvan dat sy by die sluipmoord van haar man betrokke was.
President Jovenel Moise is op 7 Julie 2021 in sy huis doodgeskiet in ‘n sluipmoord wat glo deur ‘n Miami-sekuriteitsmaatskappy gereël is. Sy vrou, Marine Moise, is tydens die aanval in die arm en bobeen geskiet. In ‘n aparte saak in Miami het ses van die elf beskuldigdes skuldig gepleit opdie klag van sameswering om Kolombiaanse sluipmoordenaars te stuur om Moise te vermoor. Hulle wou hom vervang met die pastoor Christian Emmanuel Sanon.
Martine is saam met 70 ander mense aangekla daarvan dat sy betrokke was by sy dood of geweet het hy gaan doodgemaak word. Die regter in die saak het gesê daar is teenstrydighede in haar verklarings en bewyse dat sy van die sluipmoord geweet het.
Twee beskuldigdes het ook gesê sy was van plan om president te word na haar man se dood. Haar prokureur het die aantygings ontken.
Die verdagtes is nog nie formeel aangekla nie en die saak teen hulle kan nog laat vaar word.
Bronne: Daily Mail, Mail Online, Bangkok Post, Yahoo News
Lees ook:
