GROBLERSDAL, LIMPOPO. – Die halfnaakte liggaam van ‘n onbekende vrou is Sondag 5 November drywend in ‘n waterkanaal in Ockertstraat, Orchard, ontdek.
Brig. Hlulani Mashaba sê die vrou word tussen 28 en 38 jaar oud geskat, het blondgebleikte hare en is van medium bou.
Die polisie het ‘n geregtelike doodsondersoek geopen en ondersoek die omstandighede van die vrou se dood.
Enigiemand wat inligting van die insident het of kan help met die opsporing van die oorledene se familie kan lt.kol. Edric Mukhwevho by 082 303 9927 bel.
Kry jou nuutste nuus elke oggend per e-pos. Teken hier aan:
