Lees ook: Betogings en staking in Israel na liggame van gyselaars gevind is
GAZA. – Hamas het gesê hulle gaan die Israeliese gyselaars “in kiste” terugstuur as die Israeliese weermag aangaan met hulle klopjagte.
Volgens die woordvoerder is nuwe instruksies in Junie uitgereik oor wat Hamas-lede te doen staan met die gyselaars as die Israeliese troepe naderkom. Hy het gesê Netanyahu se besluit om gyselaars te bevry met die weermag eerder as om in te stem tot ’n skietstilstand, sal beteken “hulle gaan terug na hulle families toe in kiste”.
Die aankondiging volg dae na die Israeliese weermag ses gyselaars se liggame in Rafah gevind het.
Daar is tans ‘n staking in Israel met duisende wat eis Netanyahu moet ’n skietstilstandooreenkoms met Hamas aangaan om die gyselaars te bevry. Hy het voorheen geweier omdat hy Hamas wil uitroei.
Bronne: The Guardian, Al Jazeera, NBC News
Lees ook: Betogings en staking in Israel na liggame van gyselaars gevind is
