Lees ook: Ses gyselaars se liggame in Gaza gevind, hulpkonvooi aangeval
ISRAEL. – ‘n Landwye staking dreig tans in Israel terwyl betogers eis dat die eerste minister Benjamin Netanyahu ’n skietstilstandooreenkoms met Hamas aangaan na nog ses gyselaars se liggame gevind is.
Een van Israel se grootste vakbonde, wat 800 000 werkers verteenwoordig, het ’n staking gereël wat banke, die lughawe en gesondheidsorg sal lamlê sodat die regering moet luister.
Die ses gyselaars wie se liggame Sondag gevind is, is in die laaste paar dae doodgeskiet voor die weermag in Rafah aangekom het.
Baie betogers en die gyselaars se families blameer Netanyahu vir hulle dood oor sy weiering in Julie om die skietstilstandooreenkoms te aanvaar.
Netanyahu het volgehou hy gaan aanhou met die oorlog tot Hamas vernietig is.
Bronne: India TV News, Evening Standard, CNN
Lees ook: Ses gyselaars se liggame in Gaza gevind, hulpkonvooi aangeval
