GAUTENG. – Die Pretoria-hooggeregshof het bevind dat die Lugdienslisensiëringsraad (ASLC) onwettig op swart-bemagtiging (SEB)-sertifisering en transformasievereistes aangedring het vir die uitreik van lugdienslisensies.
Volgens die hof is die raad se optrede strydig met die Lugdienslisensiëringswet 115 van 1990, wat vereis dat lisensies op grond van veiligheid, verblyfreg en vliegtuigregistrasie uitgereik word, sonder addisionele rasgebaseerde kriteria. Die hof het ’n kostebevel teen ASLC toegestaan en ook die verbod op elektroniese opnames tydens lisensieverhore onwettig verklaar.
Sakeliga, wat die saak in November 2024 aanhangig gemaak het, het ook soortgelyke optrede deur die Internasionale Lisensieraad vir Lugdienste (IASC) geïdentifiseer en oorweeg verdere regsaksie.
Druk hier om Sakeliga se volledige verklaring te lees.
