PRETORIA. – Die Noord-Gautengse hooggeregshof het beslis president Cyril Ramaphosa moet redes gee vir die teken van die Nasionale Gesondheidsversekeringwet (NGV).
Lees ook: Mediese fondse sê NGV gaan nog lank neem
Ramaphosa moet ’n volledige rekord gee van sy besluit om die Nasionale Gesondheidsversekeringwet te teken en bekragtig. Die rekord moet voldoen aan reël 53 van die hofreëls en moet binne 10 kalenderdae vanaf die hofbeslissing aan die hof oorhandig word.
‘n Aansoek deur die Raad van Gesondheidsbefondsers (BHF) en die Suid-Afrikaanse Forum vir Privaat Praktisyns (SAPPF) is by die hof ingedien om te keer dat die Nasionale Gesondheidsversekeringwet geïmplementeer word.
Die BHF het gesê die hof se beslissing is ’n oorwinning vir die oppergesag van die reg en “herbevestig die grondwetlike beginsel dat alle publieke mag aan die wet moet voldoen en dat niemand, insluitend die president, bo geregtelike ondersoek is nie”.
Bronne: IOL, eNCA, Jacaranda FM
Lees ook: Mediese fondse sê NGV gaan nog lank neem
