Lees ook: Ramaphosa onderteken vandag die NGV
President Cyril Ramaphosa gaan 14:00 vandag die nasionale gesondheidsversekeringwetsontwerp (NGV) onderteken.
Baie Suid-Afrikaners is bekommerd oor wat gaan gebeur met hulle mediese fondse en of hulle dit moet kanselleer. Volgens BusinessTech het die mediese fondse gesê hulle kliënte moenie kanselleer nie, aangesien dit nog baie lank kan neem voordat die stelsel in werking gestel kan word.
Daar is sover nog nie duidelikheid oor wat die inhoud van die voorgestelde wetgewing gaan wees nie.
Die sisteem sal ook waarskynlik in fases geïmplimenteer word en sal eers in die howe uitgedaag word, dus kan dit jare neem voor dit in volle werking is.
Dit is wel moontlik dat Suid-Afrikaners nou drie keer gaan moet betaal. Belasting gaan betaal moet word, mediese fondse gaan betaal moet word en die belasting wat die NGV befonds, gaan betaal moet word.
Navorsers het gesê om die NVG te befonds, gaan BTW van 15% tot 21.5% vermeerder of persoonlike inkomstebelasting gaan vermeerder tot 31% of werknemersbelasting vir die formele, nie-landbou sektor gaan tot R1 565 per maand toeneem.
Bronne: BusinessTech, The Citizen, IOL
Lees ook: Ramaphosa onderteken vandag die NGV
