VSA. – Die Amerikaanse huisoorsigkomitee het gisteraand 68 foto’s van boedelitems van die pedofiel Jeffrey Epstein vrygestel.
Lees ook: Ghislaine Maxwell wil hê hof moet vonnis omkeer
Ingesluit in die nuutste vrystelling is foto’s van vroue se paspoorte en ID’s. Die ID van ‘n Suid-Afrikaanse vrou is ook afgeneem. Die huisoorsigkomitee het gesê die paspoorte en ID’s behoort aan “vroue by wie Jeffrey Epstein en sy medebeskuldiges betrokke was”.
Nog ID’s van vroue van lande soos Litaue, Rusland, Oekraïne en die Tsjeggiese Republiek was onder die boedelitems.
Die Epstein-dokumente sal na verwagting vandag vrygestel word onder die Epstein Files Transparency-wet.
Bronne: Briefly, BBC, CNN
