NEW YORK, VSA. – Ghislaine Maxwell, die vrou wat die seksoortreder Jeffrey Epstein gehelp het om minderjarige meisies seksueel te laat misbruik, het ‘n federale hof gevra om haar 20-jaar tronkstrafvonnis om te keer of te verminder.
Lees ook: Andrew van sy laaste militêre titel gestroop
Maxwell beweer “nuwe bewyse” uit siviele sake, ondersoekverslae en ander dokumente het voorgekom, wat wys sy het nie ‘n regverdige verhoor gehad nie.
Maxwell het in haar aansoek beweer daar was verskeie probleme met haar saak, insluitend ‘n jurielid wat later erken het hy was ‘n slagoffer van seksuele mishandeling. ‘n Bewysstuk is glo ook nie aan haar beskikbaar gemaak nie en die lang tydsverloop tussen die dade waarvoor sy aangekla is, asook die tyd wanneer sy aangekla is, is deur haar uitgewys.
Die aansoek om haar vonnis om te keer, is gister in New York ingedien, slegs twee dae voordat die justisiedepartement alle dokumente aangaande die Epstein-ondersoek moet vrystel.
Bronne: BBC, CBS News, ABC News
