WES-KAAP. – Die Stad Kaapstad se elektrisiteitsdepartement waarsku inwoners teen ’n WhatsApp-bedrogspul waarin bedrieërs hulle voordoen as stadsamptenare en valslik beweer dat dienste weens skuld ontkoppel gaan word.
In ’n onlangse geval in Helderberg het ’n inwoner ’n boodskap en oproepe ontvang waarin onmiddellike betaling via eWallet of ’n bankrekening geëis is. Die inwoner het dit as ’n bedrogpoging herken en die Stad ingelig.
“Die Stad stuur nie WhatsApp-boodskappe oor diensontkoppeling nie en geen amptenaar mag eWallet- of persoonlike betalings versoek nie. Alle betalings moet slegs deur amptelike Stadskanale gemaak word,” het die burgemeesterskomiteelid vir energie, rdl. Xanthea Limberg, gesê.
Inwoners word aangeraai om altyd feite te verifieer en verdagte aktiwiteite by die Stad se bedrog-hulplyn of die SAPD aan te meld.
Druk hier om meer te lees.
