GASASTAD. – Die Israeliese kabinet het gister die plan van die eerste minister, Benjamin Netanyahu, om Gasastad oor te neem, goedgekeur.
Lees ook: Hamas-leierskap stem in tot nuwe voorstelle vir skietstilstand
Netanyahu het gisteraand gesê hy het instruksies gegee “om onmiddellik te begin met onderhandelinge vir die vrylating van al ons gyselaars” en ’n einde te maak aan die oorlog op voorwaardes “wat aanvaarbaar is vir Israel”.
Die Israeliese weermag (IDF) het mediese owerhede en internasionale organisasies gewaarsku om die hele bevolking van een miljoen inwoners na die suide van die land te begin ontruim.
Die IDF gaan troepe stuur na dele van Gasastad waar hulle nog nie ontplooi is nie en waar Israel glo Hamas steeds aktief is.
Bronne: BBC, The Independent, CNN
Lees ook: Hamas-leierskap stem in tot nuwe voorstelle vir skietstilstand
