Lees ook: Israel berei glo voor om Rafah in te val
GAZA. – Die Israeliese weermag het ‘n gebou opgeblaas wat aan die VN-agentskap vir Palestynse vlugtelinge behoort.
Die weermag het beweer Hamas gebruik die gebou as ‘n “militêre sentrum”. Daar was ook ‘n Israeliese aanval op twee skole in Gaza waarin verskeie families geskuil het.
Hamas het ‘n kruising waar noodhulp afgelewer word, met tien vuurpyle aangeval. Drie Israeliese soldate is dood en 11 is in die aanval beseer. Israel het daarop die noodkruising toegemaak.
Die Israeliese weermag het gesê dit bewys Hamas gebruik Gaziete as menslike skilde, want die vuurpyle is glo geskiet van siviele sentrums af. Hamas het gesê hulle teiken was ‘n Israeliese weermagbasis.
Bronne: Yeni Şafak, The Nation, Daily Mail
Lees ook: Israel berei glo voor om Rafah in te val
