Lees ook: Iran se president dood in helikopterongeluk
IRAN. – Israeliese owerhede het gesê hulle het niks te doen gehad met die dood van die Iranse president, Ebrahim Raisi, nie.
Raisi is gister oorlede na ’n helikopterongeluk toe hy en die minister van buitelandse sake op pad terug was van ’n openingseremonie vir ’n dam. Nog nege mense is in die ongeluk dood.
Die verklaring van Israeliese owerhede volg na spekulasie dat Israel vir die ongeluk verantwoordelik was. Iran ondersteun Hamas en in April het Israel en Iran mekaar aangeval.
Die oorsaak van die ongeluk is onbekend.
Bronne: Daily Mail, Times Now, The Telegraph
