ISRAEL. – Die Israeliese eerste minister, Benjamin Netanyahu, het gesê die tweede fase van die skietstilstand tussen Israel en Hamas is naby.
Lees ook: Israel ontvang liggaam van Thaise gyselaar
Onder die tweede fase van die plan van die Amerikaanse president, Donald Trump, moet Israel hulle weermag verder uit Gasa onttrek terwyl ‘n oorgangsowerheid ingestel word en ‘n internasionale veiligheidsmag in Gasa ontplooi word. Hamas moet ontwapen en die herbou van Gasa moet begin.
Nog een gyselaar se liggaam is in Gasa en moet oorhandig word voordat die eerste fase van die skietstilstand beëindig kan word.
Die liggaam van sers. Ran Gvili word nog deur die Rooikruis en lede van Hamas gesoek.
Bronne: BBC, CBC, ABC News
