ISRAEL. – Israel het gister die liggaam van die Thaise landbouwerker, Suthisak Rintalak (43), in ontvangs geneem.
Lees ook: Israel ontvang liggaam van vermeende Gasa-gyselaar
Rinktalak was een van twee gyselaars wie se liggame steeds in Gasa was. Die liggaam van die laaste gyselaar, die Israeliese polisiebeampte, Ran Gvili (24), is steeds in Gasa.
Rintalak se liggaam is in die noorde van Gasa gevind. Sy liggaam is aan Israel oorhandig nadat toetse op nog ‘n liggaam, wat Dinsdag aan Israel oorhandig is, gewys het dit is nie een van die gyselaars nie.
Die Israeliese weermag het gesê Rintalak se familie is in kennis gestel. Volgens die weermag is beide Rintalak en Gvili in Hamas se aanval op 7 Oktober 2023 doodgemaak en hulle liggame na Gasa geneem.
Bronne: BBC, Times of Israel, NBC News
Lees ook: Israel ontvang liggaam van vermeende Gasa-gyselaar
