WASHINGTON, VSA. – Twee Israeliese ambassadewerkers is gisteraand buite die Capital Jewish Museum in Washington DC doodgeskiet.
Lees ook: Ses Oekraïense soldate dood ná Rusland oefenkamp aanval
Die slagoffers het na ’n byeenkoms by die museum uitgeloop toe die verdagte op hulle begin skiet het. Getuies het gesê die man het op en af buite die museum geloop, waarna hy ’n groep van vier genader en op hulle geskiet het. Hy het geskree: “Bevry, bevry Palestina!”
Pamela Smith, Washington-polisiehoof, het gesê die man is daarna by die museum in waar die veiligheidswagte hom in hegtenis geneem het.
Die verdagte is as Elias Rodriguez van Chicago geïdentifiseer. Die saak word ondersoek.
Bronne: The Independent, Fox News, NBC News
Lees ook: Ses Oekraïense soldate dood ná Rusland oefenkamp aanval
