Die sanger Jan Bloukaas het aangekondig hy besig is om sy laaste musiektoer te reël.
Hy het die nuus gebreek nadat hy saam met sy gesin in Glentana vir die Paasnaweek was. Volgens hom probeer hy al vir die afgelope vier weke werk, maar vind dit moeilik. “Met my gehoor wat weg is aan die een kant is dit vir my vreeslik moeilik om musiek te maak.”
Hy hou glo sy oog toegeplak omdat sy gesig aan die een kant verlam is en hy nie sy oog kan knip nie. “My balans is heel snaaks en ek strompel maar so, so live shows dink ek gaan regtig moeilik wees.”
Volgens hom is hy vol moed, maar nie meer die kunstenaar wat hy altyd was nie.
“Dis tyd om te beweeg, want mens weet nie wat die volgende newe-effek is wat gaan opduik nie.”
Hy is besig om sy laaste musiektoer vir eers te reël en het aanhangers vir aanbevelings gevra oor waar hy moet optree.
Bron: Jan Bloukaas Facebook-blad
