NOORD-KAAP. – John-Ross Crossbery Henderson (38) was Maandag vlugtig in die hof op aanklagte van die moord op Jayson Afrique (28) en poging tot moord op sy vrou (27). Die saak is tot Woensdag uitgestel.
Lt.kol. Sergio Kock sê die Kimberley-landdroshof het die saak vir verdere ondersoek vir Henderson se borgtogaansoek tot 25 September uitgestel. Henderson bly in aanhouding terwyl die ondersoek voortduur.
Jayson Afrique is op 31 Julie omstreeks 21:00 in Newpark, Kimberley, by die ingang van ‘n kompleks doodgeskiet, terwyl sy vrou gewond is. ‘n Verdagte (38) is Vrydag omstreeks 20:30 by ‘n vulstasie in Kimberley deur die polisie vasgetrek.
Nuusflits het voorheen soos volg berig:
‘n Man (28) is Woensdagaand omstreeks 21:00 in Newpark, Kimberley, doodgeskiet toe hy en sy vrou (27) by die hek van hulle kompleks wou inry.
Lt.kol. Sergio Kock sê die egpaar het in hulle wit Toyota Hilux-bakkie by die hek stilgehou om in te ry toe ‘n onbekende verdagte hulle genader en verskeie skote na die bakkie geskiet het. Die man is doodgeskiet.
Die polisie ondersoek sake van moord en poging tot moord.
Enigiemand met inligting oor die insident word gevra om AO Thabang Kamolaneb by 082 302 0407 te bel.
