VENESIË. – Jeff Bezos en Lauren Sanchez het hulle trouvenue verskuif ná verskeie betogings teen die troue in Venesië begin het en gedreig is om die seremonie te onderbreek.
Lees ook: Aktiviste in Venesië betoog teen Jeff Bezos-troue
Die betogers het die oorwinning gevier, maar het gesê hulle is steeds van plan om Saterdag in Venesië se kanale, in die strate en op die brûe te betoog.
Die betogings het begin nadat Bezos en Sanchez beplan het om ’n 3-dag trouviering in Venesië te hou. Plaaslike inwoners was ongelukkig oor die 200 tot 250 gaste en bruidspaar wat Venesië as ’n “verhoog” sou beskou en het gesê die troue is ’n “simbool van die uitbuiting van die stad deur buitelanders”.
Die president van die Veneto-streek, Luca Zaia, het die betogings gekritiseer en het gesê die 90 privaat vliegtuie wat met die gaste na Venesië sou vlieg, sou $85 miljoen se inkomste vir plaaslike besighede beteken.
Bronne: BBC, CNN, ABC News
