WUHAN, CHINA. – ’n Burgerlike joernalis, Zhang Zhan (40), wat in 2020 tot vier jaar gevangenisstraf gevonnis is vir haar ongesensorde verslaggewing oor die uitbraak van Covid 19 in Wuhan, se vrylatingsdatum is vandag.
Zhan was ’n prokureur wat ‘n burgerlike joernalis geword het tydens die uitbreek van die pandemie. Sy het van Shanghai na Wuhan gereis om regstreeks verslag oor die Chinese regering se reaksie en hantering van die pandemie te doen.
Haar video’s en kritiek oor gesensorde nuusberigte het veroorsaak dat sy in Mei 2020 vir aanhitsing gearresteer is. Na haar vier jaar vonnis is sy in die stad se vrouetronk aangehou.
Die Chinese regering het egter nog geen inligting oor haar vrylating bekendgemaak nie.
Bronne: The New York Times, The Independent, RSF
